IFIAR-ის პლენარული სხდომა ტოკიოში

2017 წლის 03-06 აპრილს, ქალაქ ტოკიოში გაიმართა აუდიტის დამოუკიდებელ საზედამხედველო ორგანოთა საერთაშორისო ფორუმის (IFIAR) პლენარული სხდომა, რომელზეც მიწვეული იყო ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსი, იური დოლიძე.

სხდომა მიეძღვნა ტოკიოში IFIAR-ის მუდმივმოქმედი სამდივნოს გახსნას და მიზნად ისახავდა ამ ორგანიზაციის წევრებს შორის კომუნიკაციის ზრდისა და წარმატებული პრაქტიკის გაზიარების ხელშეწყობას. პლენარული სხდომის ფარგლებში გაიმართა სასემინარო სესიები მსოფლიოს ექვსი უდიდესი აუდიტორული ქსელის ხელმძღვანელებთან, ინვესტორთა და სხვა დაინტერესებულ პირთა სამუშაო ჯგუფთან (IOSWG), სტანდარტების დამდგენ საერთაშორისო ორგანოებთან (IFAC, PIOB). შედგა ორმხრივი შეხვედრები წამყვანი ქვეყნების საზედამხედველო ორგანოს ხელმძღვანელებთან და ექსპერტებთან, IFIAR-ის ხელმძღვანელობასთან.