მინსკის კონფერენცია

2016 წლის 10-11 ოქტომბერს, მსოფლიო ბანკის „STAREP” პროექტის ფარგლებში გაიმართა სამუშაო შეხვედრა/კონფერენცია ქალაქ მინსკში, რომელიც მიზნად ისახავდა აუდიტის ხარისხის მნიშვნელობის ხაზგასმას გამჭვირვალე და ანგარიშვალდებული ეკონომიკის ჩამოყალიბებაში. კონფერენციაზე ბუღალტრული აღრიცხვის, ანგარიშგებისა და აუდიტის არსებული რეფორმის მიმდინარეობის შესახებ მიმოხილვა გააკეთა ბუღალტრული აღრიცხვის, ანგარიშგებისა და აუდიტის საბჭოს წევრმა, ლევან საბაურმა.

ასევე, ვიდეო მოხსენება გააკეთა ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსმა, იური დოლიძემ, რომელმაც ყურადღება გაამახვილა საქართველოში აუდიტორული საქმიანობის ზედამხედველობის ახალი სისტემის ჩამოყალიბების თავისებურებებზე და რეფორმის პრიორიტეტულ საკითხებზე.