„მიმდინარე ეტაპის გამოწვევები და სამომავლო გეგმები“ - სამსახური (SARAS), აუდიტის მიმართულებით ღონისძიებას გამართავს

ღონისძიება  აუდიტორული ფირმებისა და აუდიტორებისთვის სფეროში  წამოჭრილი მნიშვნელოვანი საკითხების მიმოხილვას დაეთმობა. კერძოდ, სამსახურის წარმომადგენლები ისეთ თემებს მიმოიხილავენ, როგორიცაა შეფასების ახალი სისტემით ჩატარებული მონიტორინგის შედეგები, მომდევნო პერიოდებში საყურადღებო ასპექტები და დაგეგმილი ნორმატიული ცვლილებები. შეხვედრაზე პანელური დისკუსიაც გაიმართება, თემაზე: მონიტორინგის პროცესში გამოვლენილი ფაქტები და ძირითადი გამოწვევები.  

ღონისძიების დასკვნით ნაწილში სამსახურის წარმომადგენლები დამსწრე საზოგადოების კითხვებს უპასუხებენ.

დეტალური ინფორმაციისათვის, გთხოვთ გაეცნოთ დღის წესრიგს. 

შეხვედრის სარეგისტრაციო ბმულს ელექტრონული ფოსტის მეშვეობით მიიღებენ აუდიტორების/აუდიტორული ფირმების სახელმწიფო რეესტრში რეგისტრირებული აუდიტორული ფირმები და აუდიტორები.