სამსახური (SARAS), დაინტერესებული მხარეებისგან უკუკავშირის მიღების მიზნით, „ფინანსური ანგარიშგების საერთაშორისო სტანდარტებთან ანგარიშგების ვებგვერდზე გამოქვეყნებული ანგარიშგების შესაბამისობის მიმოხილვის განხორციელების წესის შესახებ“ ბრძანების პროექტს აქვეყნებს

როგორც ცნობილია, ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფლებამოსილების ფარგლებს განეკუთვნება, მათ შორის, ზედამხედველობას დაქვემდებარებული სუბიექტების მიერ სამსახურში წარდგენილი ანგარიშგებების „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით განსაზღვრულ საერთაშორისო სტანდარტებთან შესაბამისობის მიმოხილვის უზრუნველყოფა.

ზემოაღნიშნულის გათვალისწინებით, სამსახურმა (SARAS) შეიმუშავა კანონქვემდებარე ნორმატიული აქტის პროექტი, რომელიც მიზნად ისახავს უზრუნველყოს იმ მიდგომების საკანონმდებლო დონეზე განმტკიცება, რაც რეფორმის განხორციელების პროცესში გასაჯაროებული ანგარიშგებების კანონით განსაზღვრულ სტანდარტებთან შესაბამისობის დეტალური მიმოხილვის კუთხით ჩამოყალიბდა და მიმდინარეობს. შესაბამისად, პროექტი წარმოადგენს სამსახურის არსებობის განმავლობაში აპრობირებული პროცესების განზოგადებას და ნორმატიულ დონეზე იმპლემენტაციას. 

მოცემული წესი შეეხება სდპ, პირველი, მეორე და მესამე კატეგორიის საწარმოს/ჯგუფის მშობელი საწარმოს მიერ შედგენილ ინდივიდუალურ/კონსოლიდირებულ აუდიტირებული ანგარიშგებების მიმოხილვის ადმინისტრირების პროცესს. აღსანიშნავია, რომ განსახილველი წესი არ გავრცელდება მესამე კატეგორიის საწარმოს/ჯგუფის მშობელი საწარმოს მიერ სამსახურისთვის წარდგენილი არააუდიტირებული ინდივიდუალური/კონსოლიდირებული ანგარიშგებების კანონით განსაზღვრულ სტანდარტებთან შესაბამისობის მიმოხილვის პროცესზე. 

პროექტით დეტალურად გაწერილია გასაჯაროებული ანგარიშგებების კანონით განსაზღვრულ სტანდარტებთან შესაბამისობის მიმოხილვასთან დაკავშირებული ისეთი საკითხები, როგორებიც არის: ანგარიშგების მიმოხილვის მიზნით ადმინისტრაციული წარმოების დაწყების საფუძვლები, მიმოხილვის ფარგლები და პროცედურული საკითხები, დაინტერესებული პირის/სუბიექტის ჩართულობის აუცილებლობა ადმინისტრაციულ წარმოებაში, მიმომხილველთა ჯგუფთან დაკავშირებული დეტალები, სუბიექტისა და სამსახურის ვალდებულებები, მიმოხილვის შედეგები და ა.შ. 

პროექტის შემუშავების პროცესში მნიშვნელოვანია დაინტერესებული მხარეების ჩართულობა, შესაბამისად სამსახური ასაჯაროებს „ფინანსური ანგარიშგების საერთაშორისო სტანდარტებთან ანგარიშგების ვებგვერდზე გამოქვეყნებული ანგარიშგების შესაბამისობის მიმოხილვის განხორციელების წესის შესახებ“ სამსახურის უფროსის ბრძანების პროექტს (დანართთან და განმარტებით ბარათთან ერთად) უკუკავშირის მიღების მიზნით. 

წინადადებების ან/და რეკომენდაციების მოწოდებას შეძლებთ ელექტრონულად, სამსახურისათვის ელ.წერილის გაგზავნის ფუნქციონალის მეშვეობით: https://saras.gov.ge/ms/, 30 მაისის ჩათვლით (ნაცვლად 20 მაისისა).