სამსახური (SARAS), 6 მაისს, 15:00 საათზე, საინფორმაციო შეხვედრას გამართავს III და IV კატეგორიის საწარმოებისთვის

სამსახურის ბუღალტრული აღრიცხვისა და ანგარიშგების ზედამხედველობის დეპარტამენტი მიმდინარე წლის 6 მაისს, 15:00 საათზე, III და IV კატეგორიის საწარმოებისთვის, ონლაინ ფორმატში საინფორმაციო შეხვედრას გამართავს.

შეხვედრის მიზანია, ანგარიშვალდებული პირებისთვის ანგარიშგების პროცესის გამარტივება, იმ საკითხების განხილვისა და რეკომენდაციების გაცემის გზით, რომელიც მნიშვნელოვანი და ღირებული იქნება ხარისხიანი ანგარიშების მომზადებისთვის და ხელს შეუწყობს დროული წარდგენის დინამიკის ზრდას.

საინფორმაციო შეხვედრა ონლაინ ფორმატში, Webex პლატფორმის საშუალებით გაიმართება. ღონისძიებაზე დასასწრებად გთხოვთ, შეავსოთ სარეგისტრაციო ბმული, სადაც შესაძლებლობა გექნებათ, კომენტარის სახით მიუთითოთ თემასთან დაკავშირებული თქვენთვის საინტერესო საკითხი, რომელიც გსურთ, რომ შეხვედრის მიმდინარეობისას იყოს დაფარული.