პროფესიული მომსახურების განმახორციელებელი ყველა ფიზიკური/იურიდიული პირი ვალდებულია, დარეგისტრირდეს სათანადო რეესტრში, საქმიანობის დაწყებიდან 30 კალენდარული დღის ვადაში.

  1. ყველა სიახლე

სამსახურმა (SARAS), ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით დაინტერესებული მხარეებისთვის, ცნობიერების ამაღლების მიზნით საინფორმაციო შეხვედრა განმეორებით გამართა

სამსახურის (SARAS) AML დეპარტამენტმა საზოგადოების ცნობიერების ამაღლების მიზნით ონლაინ ღონისძიება განმეორებით გამართა. შეხვედრის ფარგლებში განხილულ იქნა ანგარიშვალდებული პირის ფულის გათეთრებისა და ტერორიზმის დაფინანსების რისკის ზედამხედველობის ანგარიშგების ფორმების შევსებისა და წარდგენის წესის დამტკიცების თაობაზე ახალი ნორმატიული აქტი, რომელიც ძალაში 2024 წლის 9 დეკემბერს შევიდა. შეხვედრაზე განხილულ იქნა აღნიშნული წესით დამტკიცებული ML/TF ანგარიშგების ფორმების შევსებისა და წარდგენის ტექნიკური დეტალები.

სამსახურის წარმომადგენლებმა დაინტერესებულ პირებს სამართლებრივი აქტით დადგენილი საკითხების ირგვლივ რელევანტური ინფორმაცია მიაწოდეს და მათთვის საინტერესო კითხვებს უპასუხეს. შეხვედრებს ჯამში 300 -ზე მეტი ადამიანი დაესწრო.

ამასთან, ანგარიშვალდებული პირის ML/TF ანგარიშგების ფორმების შევსებისა და წარდგენის შესახებ ვიდეო ინსტრუქცია სამსახურის ვებგვერდზეა ხელმისაწვდომი.