სამსახურმა (SARAS), ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით, დაინტერესებული მხარეებისთვის ცნობიერების ამაღლების მიზნით, საინფორმაციო შეხვედრები გამართა

სამსახურის (SARAS), ფულის გათეთრების წინააღმდეგ ბრძოლის ზედამხედველობის დეპარტამენტმა, 22 ნოემბერს და 26 დეკემბერს, დაინტერესებული მხარეებისთვის საინფორმაციო შეხვედრები გამართა. 

შეხვედრები აუდიტორიისთვის ორი ახალი სამართლებრივი აქტის, ანგარიშვალდებული პირის მიერ შესაბამისობის კონტროლის სისტემის დანერგვის წესისა და ფულის გათეთრებისა და ტერორიზმის დაფინანსების რისკების შეფასებისა და მართვის სახელმძღვანელოს განხილვას დაეთმო.

სამსახურის წარმომადგენლებმა აუდიტორიას დეტალურად განუმარტეს სამართლებრივი აქტებით დადგენილი მოთხოვნები, მათი პრაქტიკული გამოყენების გზა და მნიშვნელობა ფულის გათეთრების წინააღმდეგ ბრძოლის მიმართულებით. ასევე, შეხვედრის მონაწილეებს შესაძლებლობა ჰქონდათ დაესვათ კითხვები და მიეღოთ შესაბამისი პასუხები.

იხილეთ, შეხვედრის დროს გამოყენებული პრეზენტაცია.