სამსახური (SARAS), ფულის გათეთრებისა და ტერორიზმის დაფინანსების აღკვეთის ხელშეწყობის მიზნით, თვითშემოწმების კითხვარს ავრცელებს

დოკუმენტი მიზნად ისახავს, ხელი შეუწყოს ანგარიშვალდებული პირების საკანონმდებლო მოთხოვნებთან შესაბამისობას და წარმოადგენს შესაბამისობის უზრუნველსაყოფად აუცილებლად განსახორციელებელი ღონისძიებების ჩამონათვალს, რომლითაც ანგარიშვალდებულ პირს შეუძლია ისარგებლოს. თვითშეფასების კითხვარის შევსება მიზანშეწონილია პროფესიული მომსახურების გამწევი ბუღალტრებისთვის, სერტიფიცირებული ბუღალტრებისთვის (რომლებიც დამოუკიდებლად ახორციელებენ პროფესიულ მომსახურებას), აუდიტორებისთვის (რომლებიც დამოუკიდებლად ახორციელებენ პროფესიულ მომსახურებას), საბუღალტრო ფირმებისა და აუდიტორული ფირმებისთვის).  თვითშეფასების კითხვარი დაინტერესებულ პირებს დაეხმარება საქმიანობის დაგეგმვისას საკვანძო საკითხების გათვალისწინებაში. გასათვალისწინებელია, რომ დოკუმენტი სარეკომენდაციო ხასიათისაა და არ წარმოადგენს ასეთი ღონისძიებების სრულ ჩამონათვალს.