სამსახური (SARAS), დაინტერესებული მხარეებისგან უკუკავშირის მიღების მიზნით, სანქციის სახის/ოდენობის განსაზღვრისა და სანქციის დაკისრების წესის დამტკიცების თაობაზე ბრძანების პროექტს აქვეყნებს

როგორც ცნობილია, სამსახური უფლებამოსილია  ზედამხედველობას დაქვემდებარებულ პირებთან მიმართებით განსაზღვროს სანქციის სახე და ოდენობა,  „ბუღალტრული აღრიცხვის, ანგარიშგების და აუდიტის შესახებ“ საქართველოს კანონში 2024 წლის 15 ივნისიდან მოქმედი რედაქციით სამსახურს დაევალა სანქციის სახის/ოდენობის განსაზღვრისა და სანქციის დაკისრების წესის დადგენის თაობაზე კანონქვემდებარე ნორმატიული აქტის მიღება არაუგვიანეს 2025 წლის პირველი იანვრისა. შესაბამისად, სამსახურმა (SARAS) შეიმუშავა კანონქვემდებარე ნორმატიული აქტის პროექტი.

პროექტის წარმოდგენილი რედაქცია მიზნად ისახავს უზრუნველყოფილ იქნას იმ მიდგომებისა და პროცესების საკანონმდებლო დონეზე განმტკიცება, რაც რეფორმის განხორციელების პროცესში სანქცირების პოლიტიკის კუთხით ჩამოყალიბდა და მიმდინარეობს. შესაბამისად, პროექტი წარმოადგენს სამსახურის არსებობის განმავლობაში აპრობირებული სანქციების ზომების განზოგადებას და ნორმატიულ დონეზე იმპლემენტაციას. 

პროექტის შემუშავების პროცესში მნიშვნელოვანია დაინტერესებული მხარეების ჩართულობა, შესაბამისად სამსახური ასაჯაროებს „ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ სანქციის სახის/ოდენობის განსაზღვრისა და სანქციის დაკისრების წესის დამტკიცების თაობაზე“ სამსახურის უფროსის ბრძანების პროექტს უკუკავშირის მიღების მიზნით. 

გთხოვთ, მოგვაწოდოთ წინადადებები ან/და რეკომენდაციები 27 დეკემბრის ჩათვლით, ელექტრონულად (სამსახურისათვის ელ.წერილის გაგზავნის ფუნქციონალის მეშვეობით - https://saras.gov.ge/ms/).