სამსახურის (SARAS) ნორმატიულ აქტებში განხორციელდა ცვლილება

როგორც ცნობილია, აუდიტორების/აუდიტორული ფირმების სახელმწიფო რეესტრში რეგისტრაციით დაინტერესებული პირი/ზედამხედველი აუდიტორი, 3 წლიანი პრაქტიკული გამოცდილების დასადასტურებლად ვალდებულია სამსახურს წარუდგინოს უტყუარი ინფორმაცია, ხოლო ამ მოთხოვნის შეუსრულებლობა გამოიწვევს პირის/ზედამხედველი აუდიტორის პასუხისმგებლობას კანონმდებლობით დადგენილი წესით.

აღნიშნულიდან გამომდინარე, პრაქტიკული გამოცდილების დამადასტურებელ პრაქტიკის ფურცელში შეტანილ იქნა რიგი ცვლილები, რომელიც დამტკიცებულია „პროფესიული სერტიფიცირების სტანდარტისა და სასერტიფიკაციო პროგრამებისა და საგამოცდო პროცესის აღიარების წესის დამტკიცების შესახებ“ სამსახურის უფროსის 2017 წლის 25 სექტემბრის №ნ-16 ბრძანებით. 

გარდა ამისა, სამსახური უფლებამოსილია, რისკზე დაფუძნებული მიდგომის საფუძველზე, 3 წლიანი პრაქტიკული გამოცდილების დასადასტურებლად წარმოდგენილ პრაქტიკის ფურცელში მითითებული გარიგებებიდან, შეარჩიოს მინიმუმ ერთი ფინანსური ანგარიშგების აუდიტის გარიგება და გადაამოწმოს სახელმწიფო რეესტრ(ებ)ში რეგისტრაციით დაინტერესებული პირის პრაქტიკული გამოცდილება. 

გარდა ზემოაღნიშნული ცვლილებებისა, ასევე საყურადღებოა, რომ იმ შემთხვევაში, თუ რეესტრში უკვე რეგისტრირებული აუდიტორის/აუდიტორული ფირმის განცხადება რეგისტრაციის გაუქმების თაობაზე, სამსახურისათვის წარდგენილი იქნება აუდიტორის/აუდიტორული ფირმის მოკვლევა/მონიტორინგი მიმდინარეობისას, ხსენებული განცხადების განხილვა შეჩერდება მოკვლევის/მონიტორინგის დასრულების ვადით.

ამასთან, აუდიტორი/აუდიტორული ფირმა ვალდებულია სარეგისტრაციო წარმოების დასრულების შემდეგ არაუგვიანეს 10 სამუშაო დღისა საქართველოს ფინანსური მონიტორინგის სამსახურს წარუდგინოს აღრიცხვის ფორმა.

ასევე, „ხარისხის მართვის სისტემის მონიტორინგის განხორციელების წესის შესახებ“ ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსის 2017 წლის 12 ივლისის №ნ-9 ბრძანებაში ცვლილების შეტანის თაობაზე“ სამსახურის უფროსის 2024 წლის 16 მაისის N ნ-6 ბრძანებაში, ბუნდოვანების აღმოფხვრის მიზნით, განხორციელდა რედაქციული ხასიათის ცვლილებები.