სამსახური (SARAS), პროფესიული მომსახურების გამწევი ბუღალტრებისა და საბუღალტრო ფირმებისთვის, ნასამართლობის შესახებ ცნობის წარდგენის თაობაზე დამხმარე სახელმძღვანელოებს ავრცელებს. ნასამართლობის შესახებ ცნობის წარდგენა კანონმდებლობის შესაბამისად სავალდებულოა

„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონში 2024 წლის მაისში განხორციელებული ცვლილების შესაბამისად, საბუღალტრო ფირმის ხელმძღვანელობასა და წარმომადგენლობაზე უფლებამოსილი პირი, მნიშვნელოვანი წილის მფლობელი, ბენეფიციარი მესაკუთრე არ უნდა იყოს მსჯავრდებული ან ნასამართლევი განზრახი ეკონომიკური დანაშაულის (მათ შორის, საფინანსო საქმიანობის სფეროში დანაშაულის) ჩადენისთვის ან განზრახი მძიმე ან განსაკუთრებით მძიმე დანაშაულის ჩადენისთვის და მას ნასამართლობა მოხსნილი ან გაქარწყლებული უნდა ჰქონდეს.

აღნიშნული მოთხოვნების შესასრულებლად სამსახურისთვის ნასამართლობის შესახებ ცნობის (მათ შორის, უცხო ქვეყნის მოქალაქეობის შემთხვევაში − შესაბამისი ორგანოს მიერ გაცემული ცნობის) წარდგენისთვის პასუხისმგებელია საბუღალტრო ფირმა. მნიშვნელოვანი წილის მფლობელის ნასამართლობის შესახებ ინფორმაციას სამსახური საბუღალტრო ფირმისგან გამოითხოვს რისკზე დაფუძნებული მიდგომის საფუძველზე. 

პროფესიული მომსახურების გამწევი ბუღალტერი არ უნდა იყოს მსჯავრდებული ან ნასამართლევი განზრახი ეკონომიკური დანაშაულის (მათ შორის, საფინანსო საქმიანობის სფეროში დანაშაულის) ჩადენისთვის ან განზრახი მძიმე ან განსაკუთრებით მძიმე დანაშაულის ჩადენისთვის და მას ნასამართლობა მოხსნილი ან გაქარწყლებული უნდა ჰქონდეს.

აღნიშნული მოთხოვნების შესასრულებლად სამსახურისთვის ნასამართლობის შესახებ ცნობის (მათ შორის, უცხო ქვეყნის მოქალაქეობის შემთხვევაში − შესაბამისი ორგანოს მიერ გაცემული ცნობის) წარდგენისთვის პასუხისმგებელია პროფესიული მომსახურების გამწევი ბუღალტერი.

პროცედურების გამარტივების მიზნით, სამსახური დამხმარე სახელმძღვანელოებს ავრცელებს, სადაც განმარტებულია პროფესიული მომსახურების გამწევი ბუღალტრების სახელმწიფო რეესტრსა და საბუღალტრო ფირმების სახელმწიფო რეესტრში ნასამართლობის შესახებ ცნობის ატვირთვის ტექნიკურ საკითხები. 

ინსტრუქცია პროფესიული მომსახურების გამწევი ბუღალტრებისთვის
ინსტრუქცია საბუღალტრო ფირმებისთვის