4 დეკემბერს, 11:00 საათზე, სამსახური (SARAS) ფინანსური ანგარიშგებების მიმოხილვის პროცესსა და ფასს სტანდარტებთან მიმართებით ხშირად გამოვლენილ შეუსაბამობებზე საინფორმაციო შეხვედრას გამართავს, რომლის მიზანია საწარმოების ხელშეწყობა ხარისხიანი ფინანსური ანგარიშგების მომზადებაში

სამსახური (SARAS) საინფორმაციო შეხვედრას გამართავს. შეხვედრა განკუთვნილია დაინტერესებული მხარეების, აუდიტორებისა და იმ საწარმოთა წარმომადგენლებისთვის,  რომლებიც ანგარიშგებას ფასს სტანდარტებითა და მსს ფასს სტანდარტით ამზადებენ. შეხვედრის მიზანია, მონაწილეთა ინფორმირება, ფინანსური ანგარიშგებების მიმოხილვის შედეგად გამოვლენილი შეუსაბამობებისა და ხარისხიანი ფინანსური ანგარიშგების მახასიათებლების შესახებ. 

შეხვედრისას გაანალიზდება სამსახურის მიერ წლის განმავლობაში ყველაზე ხშირად გამოვლენილი შეუსაბამობები ფასს სტანდარტებთან მიმართებით და წარმოდგენილი იქნება შესაბამისი რეკომენდაციები. ამავდროულად, ფინანსური ანგარიშგებების სტანდარტებთან შესაბამისობის ზრდის ხელშესაწყობად, განხილული იქნება ფინანსური ანგარიშგებისა და ეფექტური კომუნიკაციის პრინციპები. ყურადღება გამახვილდება არსებითობაზე, მის რაოდენობრივ და ხარისხობრივ ფაქტორებზე, რომელიც ფინანსური ანგარიშგების მომზადების საფუძველია.

ღონისძიებაზე დასასწრებად გთხოვთ, შეავსოთ სარეგისტრაციო ბმული.

ღონისძიების დღის წესრიგი.