IAASB-ის ახალი პოზიცია ტექნოლოგიებთან დაკავშირებით, რომლის მიზანი ტექნოლოგიებით და ინოვაციებით სარგებლობაა

ვინაიდან ტექნოლოგიები უფრო და უფრო მეტად აღწევს ანგარიშგების ყველა ასპექტში, IAASB-ს გადამწყვეტი როლი აკისრია აუდიტისა და მარწმუნებელი პრაქტიკის ხარისხის გაუმჯობესებაში. IAASB -მა ტექნოლოგიებთან დაკავშირებით საკუთარი პოზიციის დასაფიქსირებლად განაცხადი გამოაქვეყნა, სადაც კარგად ჩანს თუ როგორ ახდენს საბჭო ტექნოლოგიური მიღწევების ინტეგრირებას სტანდარტების დადგენის პროცესში.  შედეგად, სტანდარტები ინარჩუნებს რელევანტურობას, ეფექტურობას და საზოგადოებრივ ინტერესებთან შესაბამისობას. 

აღნიშნულ დოკუმენტში ახსნილია IAASB-ის ახალი პოზიცია, კერძოდ:

• მარწმუნებელი პრაქტიკისა და აუდიტის სფეროში ინოვაციების მიღება, რაც გარემოს ცვლილებების კვალდაკვალ სტანდარტების გაუმჯობესებას უზრუნველყოფს
• არსებულ სტანდარტებში ისეთი ბარიერების მოხსნა, რაც ხელს უშლის მოწინავე ტექნოლოგიების გამოყენებას
• ახალი მოთხოვნებისა და სახელმძღვანელო მითითებების შემოღება, რაც პრაქტიკოსებს ტექნოლოგიური პროცესების ეფექტურად გამოყენებაში დაეხმარება.

პოზიცია აგებულია კონცეპტუალურ საფუძვლებზე, რომლის სამი ძირითადი კომპონენტია: ტექნოლოგიებთან დაკავშირებული პოზიციის განაცხადი, მისი ამოქმედება, ახალი ტექნოლიგიების მონიტორინგი და  საბჭოს პოზიციის მათთან ადაპტირება. 

ამასთან, IAASB-ი ატარებს ხარვეზების ანალიზს, რომელიც მოიცავს მისი ძირითადი სტანდარტების (კერძოდ, ხარისხის მართვის საერთაშორისო სტანდარტების და აუდიტის საერთაშორისო სტანდარტების) მიმოხილვას. აღნიშნული ანალიზისას ხდება ისეთი მიმართულებების იდენტიფიცირება, რომლებიც გაუმჯობესებას საჭიროებენ, ტექნოლოგიების დანერგვის პროცესის გაადვილების მიზნით. ანალიზის შედეგად გამოტანილი დასკვნები კი თავის მხრივ განაპირობებს IAASB-ის სამომავლო სამუშაო გეგმებს.
აღნიშნულ პოზიციასთან დაკავშირებით დამატებითი ინფორმაციის მისაღებად, ასევე დოკუმენტის სრული ვერსიის სანახავად, გთხოვთ, ეწვიოთ IAASB-ის ვებგვერდს.