სამსახურმა (SARAS) საჯარო ზედამხედველობის ორგანოების (POB Forum) რიგით მესამე ფორუმში მიიღო მონაწილეობა

ბუღალტრული აღრიცხვის, ანგარიშგებისა და აუდიტის ზედამხედველობის სამსახურის (SARAS) შესაბამისი დეპარტამენტების თანამშრომლება მონაწილეობა მიიღეს საჯარო ზედამხედველობის ორგანოების (POB Forum) რიგით მესამე ფორუმში, რომელიც ჩატარდა მსოფლიო ბანკის ფინანსური ანგარიშგების რეფორმის ცენტრის (CFRR) მიერ. ღონისძიება გაიმართა 2024 წლის 22-23 ოქტომბერს, ბუქარესტში და შეკრიბა 11 მონაწილე ქვეყნის კომპეტენტური ორგანოების წარმომადგენლები, მათ შორის: ალბანეთი, სომხეთი, აზერბაიჯანი, ბოსნია და ჰერცეგოვინა, საქართველო, კოსოვო, მოლდოვა, მონტენეგრო, ჩრდილოეთ მაკედონია, სერბეთი და უკრაინა.

POB ფორუმი მნიშვნელოვანი პლატფორმაა საჯარო ზედამხედველობის ორგანოებისთვის სწავლების და გამოცდილების გაზიარების მიზნით, რომელიც ფოკუსირებულია დარგში არსებულ აქტუალურ საკითხებზე. ღონისძიების ფარგლებში სამსახურის წარმომადგენლები გაეცნენ მსოფლიო საუკეთესო და თანამედროვე პრაქტიკას აუდიტის სფეროში მიმდინარე პროცესებთან დაკავშირებით სხვადასხვა ფორმატში, მათ საშუალება ჰქონდათ ექსპერტებისგან (უცხოელი კოლეგებისგან) მიეღოთ ინფორმაცია/დოკუმენტაცია, სამსახურზე დაკისრებულ ფუნქციების შესრულების  გაუმჯობესება-განვითარების მიზნით. 

ფორუმზე, სამსახურის, აუდიტისა და პროფესიული განათლების ზედამხედველობის დეპარტამენტის უფროსმა წარადგინა პრეზენტაცია, რომლის ფარგლებშიც ისაუბრა ქვეყნის აუდიტის ბაზარზე არსებულ გამოწვევებზე და მათი გადაჭრის შესაძლო გზებზე.  

ფორუმში სამსახურის აქტიური ჩართულობა ხაზს უსვამს სამსახურის მზაობას რეგიონული თანამშრომლობის გაძლიერებისა და საუკეთესო პრაქტიკის გაზიარების კუთხით ანგარიშგებისა და აუდიტის ზედამხედველობის სფეროში.