სამსახური (SARAS), ჩაუბარებელ აქტებს ანგარიშგების პორტალზე გაასაჯაროვებს

საქართველოში ბუღალტრული აღრიცხვის, ანგარიშგების და აუდიტის ზედამხედველობის სფეროში მიმდინარე რეფორმის ფარგლებში, ერთ-ერთ მნიშვნელოვან გამოწვევას წარმოადგენდა სამსახურის მიერ გაგზავნილი კორესპონდენციის/დოკუმენტების, მათ შორის პასუხისმგებლობის დაკისრებასთან დაკავშირებული სანქციის აქტების ჩაუბარებლობა ზედამხედველობას დაქვემდებარებული სუბიექტების მხრიდან, რაც აფერხებდა კანონმდებლობით დადგენილი მოთხოვნების აღსრულებას. 

დღეის მდგომარეობით, აქტების ჩაბარების პროცესი უკვე სუბიექტებთან მიმართებაში წარიმართება ელექტრონულად, ანგარიშგების პორტალზე, რაც კიდევ უფრო ეფექტურს გახდის კანონდებლობით დადგენილი მოთხოვნების აღსრულების პროცესს.
კერძოდ, თუ ინდივიდუალურ ადმინისტრაციულ-სამართლებრივ აქტის ჩაბარება არ დასტურდება ანგარიშგების პორტალზე სუბიექტის შესაბამისი  ტექნიკური საშუალებით, SARAS-ი უფლებამოსილია 20 სამუშაო დღის შემდეგ გაასაჯაროვოს დოკუმენტი ანგარიშგების პორტალზე. დოკუმენტი ჩაბარებულად ჩაითვლება გასაჯაროებიდან მე-10 კალენდარულ დღეს.

აღსანიშნავია, რომ პასუხისმგებლობის დაკისრების შესახებ სამართლებრივი აქტების საჯაროობა უზრუნველყოფს საქართველოს კანონმდებლობით დადგენილი აქტების ძალაში შესვლის, დაინტერესებული მხარის ინფორმირების და ასევე, სამართლებრივი აქტების შემდგომში ეფექტურად აღსრულების პროცესს. 

„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონში და მის თანმდევ, ,,მეწარმეთა შესახებ“ საქართველოს კანონში ცვლილების შეტანის თაობაზე ინფორმაცია იხილეთ ვრცლად.