„2023 წლის საანგარიშგებო პერიოდის ანგარიშგების წარდგენის პროცესი“ - სამსახურმა, საქართველოს მასშტაბით, საინფორმაციო შეხვედრები გამართა

ბუღალტრული აღრიცხვის ანგარიშგებისა და აუდიტის ზედამხედველობის სამსახურმა, სვის კონტაქტთან (Swisscontact) და პროფესიულ ორგანიზაციებთან თანამშრომლობით, ყოველწლიური საინფორმაციო შეხვედრების ციკლი გამართა საქართველოს მასშტაბით. სამსახურის შესაბამისი დეპარტამენტის თანამშრომლებმა შეხვედრები წინასწარი გამოკითხვის შედეგად გამოვლენილ მუნიციპალიტეტებში, ბათუმში, ზუგდიდში, ფოთში, ქუთაისში, სიღნაღსა და თბილისში გამართეს. შეხვედრები წარმომადგენლობითი იყო და ჯამში 500 - ზე მეტი საწარმოს წარმომადგენელი დაფარა. 

შეხვედრების ფარგლებში, სამსახურის თანამშრომლებმა მოწვეულ სტუმრებსა და დაინტერესებულ მხარეებს,  ანგარიშგების წარდგენის პროცესის გამარტივებისა და წარდგენილი ანგარიშგებების ხარისხის გაუმჯობესების მიზნით, მათთვის საინტერესო ინფორმაცია და წარდგენის დროს ხშირად დაშვებული შეცდომების ანალიზი გაუზიარეს. შეხვედრები ინტერაქციული ხასიათის იყო და დამსწრე აუდიტორიამ მათთვის საინტერესო კითხვებზეც მიიღო პასუხები. შეგახსენებთ, საინფორმაციო შეხვედრის ადგილმდებარეობები, დაინტერესებული მხარეების გამოკითხვის შედეგად განისაზღვრა.

აქვე, გვინდა მადლობა გადავუხადოთ პარტნიორ ორგანიზაციებს, მათ შორის სვის კონტაქტს, მხარდაჭერისთვის! 

იხილეთ შეხვედრების დროს გამოყენებული პრეზენტაცია.

შეგახსენებთ, 2023 წლის საანგარიშგებო პერიოდზე ანგარიშგების წარდგენისა და გასაჯაროების პროცესი დაიწყო და მიმდინარეობს უწყვეტად!

ანგარიშვალდებულმა სუბიექტებმა ანგარიშგება უნდა წარმოადგინონ დაუყოვნებლივ, ხელმისაწვდომობისთანავე, ანგარიშგების პორტალზე: https://rms.reportal.ge/
არ დაელოდოთ მონაცემების ატვირთვის საბოლოო ვადას, ანგარიშგების დროული წარდგენით თქვენს ორგანიზაციას უქმნით სანდო და გამჭვირვალე იმიჯს, ეხმარებით ინვესტორების მოძიებაში და ზრდით საბანკო სექტორთან საიმედო პარტნიორობის პოტენციალს.