სამსახური (SARAS), საქართველოს მასშტაბით, ღონისძიებების ციკლს იწყებს თემაზე: „2023 წლის საანგარიშგებო პერიოდის ანგარიშგების წარდგენის პროცესი“

ბუღალტრული აღრიცხვის ანგარიშგებისა და აუდიტის ზედამხედველობის სამსახური, საქართველოს პროფესიონალ ბუღალტერთა და აუდიტორთა ფედერაციასთან, ასევე საქართველოს აუდიტორთა, ბუღალტერთა და ფინანსურ მენეჯერთა პროფესიულ ფედერაციასთან ერთად, ტრადიციულად, წელსაც, საინფორმაციო შეხვედრების ციკლს გამართავს, საქართველოს მასშტაბით, რეგიონში არსებული მცირე და საშუალო მეწარმეებისთვის, მესამე და მეოთხე კატეგორიის საწარმოებისთვის. შეხვედრების მთავარი მიზანია დაინტერესებული მხარეების ინფორმირება, მათთვის ანგარიშგების წარდგენის პროცესის გამარტივება და წარდგენილი ანგარიშგებების ხარისხის გაუმჯობესება, ასევე წარდგენის დროს ხშირად დაშვებული შეცდომების ანალიზი. შეხვედრები ინტერაქციული ხასიათის იქნება.

საინფორმაციო შეხვედრის ადგილმდებარეობები, დაინტერესებული მხარეების გამოკითხვის შედეგად განისაზღვრა, შესაბამისად სამსახურს აქვს მოლოდინი, რომ შეხვედრების ციკლი მაქსიმალურად დაფარავს სამიზნე აუუდიტორიას.

დასასწრებად, გთხოვთ დარეგისტრირდეთ ბმულზე.