ევროკავშირის მიერ დაფინანსებული პროექტის ფარგლებში, სამსახურს აღსრულებისა და მოკვლევის საკითხებზე, ექსპერტული მხარდაჭერა გაეწია

„ევროკავშირსა და საქართველოს შორის ასოცირების შესახებ შეთანხმების განხორციელების მხარდაჭერა II“ პროექტის ფარგლებში, სამსახურის აუდიტისა და პროფესიული განათლების ზედამხედველობის დეპარტამენტის თანამშრომლებს, დარგის საერთაშორისო ექსპერტის, Thomas Hansen-ის მხრიდან, ექსპერტული დახმარება გაეწიათ. 

აღსანიშნავია, რომ საქართველოს ევროპული პერსპექტივისა და მიმდინარე მოცემულობის გათვალისწინებით, მნიშვნელოვანია ევროკავშირში არსებული რეგულაციების/პრაქტიკის  დამკვიდრება და განხორციელება ადგილობრივ დონეზე. შესაბამისად, საერთაშორისო ექსპერტი, შეხვედრების ფარგლებში, სამსახურის თემატურად დაკავშირებულ თანამშრომლებს აუდიტის სფეროში აღსრულებისა და მოკვლევის მიმართულებით  საუკეთესო პრაქტიკის დანერგვასთან დაკავშირებით ცნობიერების ამაღლებაში და კანონმდებლობაში საჭირო ცვლილებების იდენტიფიცირებაში დაეხმარა.

გარდა ამისა, პროექტის ფარგლებში, გაიწერა სამოქმედო გეგმა, რომელიც სამსახურისთვის ღირებულია ცვლილების ინიციირებისა და განხორციელებისათვის. გამომდინარე იქიდან, რომ სამსახური ინტენსიურად მუშაობს ევროკავშირთან ასოცირების ხელშეკრულებით ნაკისრი ვალდებულების ფარგლებში  კანონმდებლობის ეტაპობრივ დაახლოებაზე, მნიშვნელოვანია შესაბამის საკითხებზე საკანონმდებლო ბაზის გაუმჯობესება.

გაეცანით თემასთან დაკავშირებულ სხვა სიახლეებს: