„ანგარიშგების წარდგენის პროცესი და ბუღალტრების/საბუღალტრო ფირმების რეესტრებში რეგისტრაცია“ - სამსახურმა თბილისსა და თელავში ორი ღონისძიება გამართა

ფინანსთა სამნისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა 5 და 6 ივლისს, ქ. თბილისსა და თელავში ღონისძიებები გამართა, თემაზე: „ანგარიშგების წარდგენის პროცესი და ბუღალტრების/საბუღალტრო ფირმების რეესტრებში რეგისტრაცია“.

ღონისძიებაზე სამსახურის წარმომადგენლებმა ანგარიშგების წარდგენის პროცესზე, ხშირად დაშვებულ შეცდომებსა და ბუღალტრების/საბუღალტრო ფირმების რეესტრებში რეგისტრაციაზე ისაუბრეს. შეხვედრების დასკვნით ნაწილში მათ ასევე აუდიტორიისთვის აქტუალურ კითხვებს უპასუხეს.

გაცნობებთ, რომ ანალოგიური ღონისძიება კიდევ 4 ქალაქში გაიმართება: 

• ბათუმი - 21 ივლისი, 11:00 სთ (სარეგისტრაციო ბმული); 
  
• ფოთი - 24 ივლისი, 13:00 სთ (სარეგისტრაციო ბმული); 
• ზუგდიდი - 25 ივლისი, 11:00 სთ (სარეგისტრაციო ბმული); 
• ქუთაისი - 26 ივლისი, 11:00 სთ  (სარეგისტრაციო ბმული). 

აღნიშნული ქალაქები გამოკითხვის შედეგად იქნა შერჩეული.