ევროკავშირისა და ევროპის საბჭოს პროექტის ფარგლებში მორიგი შეხვედრა გაიმართა

20 აპრილს, ევროკავშირისა და ევროპის საბჭოს პროგრამის ფარგლებში („პარტნიორობა კარგი მმართველობისთვის“ (PGG III 2023-2027)) შეხვედრა გაიმართა, რომელსაც საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენელი დაესწრო. აღნიშნული პროგრამის ერთ-ერთი მთავარი მიზანი კორუფციის, ფულის გათეთრებისა და ტერორიზმის დაფინანსების წინააღმდეგ ბრძოლის ხელშეწყობაა. შესაბამისად, ის მეტად მნიშვნელოვანია სამსახურის განვითარებისთვის. 

შეხვედრა მიზნად ისახავდა PGG II-ის ძირითადი შედეგების განხილვას და PGG III-ით გათვალისწინებული პროექტების პრეზენტაციას. ამასთან, შეხვედრამ PGG III პროექტით დაინტერესებულ მხარეებს აზრთა გაცვლის შესაძლებლობა მისცა თავად პროექტის შესახებ.

პროექტის ფარგლებში თანამშრომლობა კვლავ გრძელდება და მასთან დაკავშირებულ სიახლეებს სამსახური ვებგვერდზე განათავსებს.