საუკეთესო წლიური ანგარიშისა და გამჭვირვალობის ჯილდოს (BARTA) 2022 წლის გამარჯვებულები გამოვლინდნენ

14 დეკემბერს, საუკეთესო წლიური ანგარიშისა და გამჭვირვალობის ჯილდოს (BARTA) 2022 წლის გამარჯვებული კომპანიები გამოვლინდნენ. აღნიშნული ჯილდო ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის მიერ საქართველოს ბუღალტრული აღრიცხვის, აუდიტის და ანგარიშგების რეფორმების მხარდაჭერის ეროვნულ ფონდთან პარტნიორობით ოთხი წლის წინ შეიქმნა.

წლიური ჯილდოს მიზანია ანგარიშგების შესაბამისობის ხელშეწყობა არსებულ სტანდარტებთან, კომპანიებს შორის ჯანსაღი კონკურენციის წახალისება და კორპორაციული ანგარიშგების ხარისხის ამაღლება ქვეყნის მიერ ინვესტორთა ნდობის ზრდის პროცესში როგორც ადგილობრივ, ისე საერთაშორისო დონეზე.

დაჯილდოების წლევანდელ ცერემონიაზე წარმოდგენილი იყო 16 ნომინანტი კომპანია. გამარჯვებულები კომპეტენტურმა საერთაშორისო ჟიურიმ გამოავლინა. დაჯილდოების ცერემონია ეროვნული ბანკის ვიცე-პრეზიდენტმა გახსნა.

გთხოვთ იხილოთ წელს გამოცხადებულ 7 ნომინაციაში გამარჯვებული კომპანიები ბმულზე: barta.ge