სამსახურის წარმომადგენლებმა აზერბაიჯანის აუდიტორთა პალატის 25 წლის იუბილესადმი მიძღვნილ ღონისძიებაში მიიღეს მონაწილეობა

აზერბაიჯანის აუდიტორთა პალატის 25 წლის იუბილეს აღსანიშნად, 16 სექტემბერს, ბაქოში საერთაშორისო სამეცნიერო-პრაქტიკული კონფერენცია გაიმართა, თემაზე - „გამჭვირვალობა და აუდიტი: ახალი ერის გამოწვევები, პრობლემები, ამოცანები“. 

ღონისძიებას სხვადასხვა ქვეყნის საზედამხედველო უწყებებისა და აუდიტის სფეროს წარმომადგენლები დაესწრნენ. ღონისძიებაში მონაწილეობა საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენლებმაც მიიღეს. მათ საქართველოსა და სხვა ქვეყნების აუდიტის სფეროში არსებული სანქციები მიმოიხილეს (იხილეთ პრეზენტაცია).

ღონისძიებაზე განხილულ იქნა სფეროს გამჭვირვალობის მნიშვნელობა ქვეყნების ეკონომიკური განვითარებისთვის და ის გამოწვევები რაც ახალმა ეპოქამ მოიტანა. მომხსენებლებმა ისეთი თემებიც მიმოიხილეს, როგორიცაა ახალი ტექნოლოგიების გამოყენება და სფეროს გაციფრულება, აუდიტის როლი ფულის გათეთრების წინააღმდეგ ბრძოლაში და სხვ.