სამსახურის წარმომადგენელი ბუღალტრების, ფინანსისტების ყოველწლიურ საზაფხულო კონფერენციას დაესწრო

7 ივლისს სასტუმრო ბილტმორმა უმასპინძლა ბუღალტერთა კავშირის და GIFA-ს ორგანიზებულ ბუღალტრების და ფინანსისტების ყოველწლიურ საზაფხულო კონფერენციას.

კონფერენციის მონაწილეებმა სფეროში არსებული შემდეგი მნიშვნელოვანი საკითხები მიმოიხილეს: შემოსავლების სამსახურის მიმდინარე და დაგეგმილი პროექტები, არსებული საკომუნიკაციო არხები და ბუღალტერთა ჩართულობა, დასაქმების ბაზარი და კვალიფიციური კადრების მნიშვნელობა, ბუღალტერთა როლი საპენსიო რეფორმის განხორციელებაში და ბუღალტრების სამუშაოს მნიშვნელობა ეროვნული სტატისტიკისთვის.

კონფერენციაზე სამსახურის წარმომადგენელმა აღრიცხვა-ანგარიშგების რეფორმის მიმდინარეობაზე გააკეთა მოხსენება.