„ანგარიშგების წარდგენის სისტემის პრეზენტაცია III კატეგორიის საწარმოთათვის“ - სამსახურმა ონლაინ ღონისძიება გამართა

29 ივნისს, ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა III კატეგორიის საწარმოთა წარმომადგენლებისთვის ანგარიშგების წარდგენის სისტემის პრეზენტაციისთვის დისტანციური ღონისძიება გამართა. ღონისძიებას 100-მდე ადამიანი დაესწრო. 

ღონისძიების დასრულების შემდეგ, დამსწრე საზოგადოებას კითხვების დასმის საშუალება მიეცა. მათ კითხვებს სამსახურის წარმომადგენელმა უპასუხა.