სამსახურის ნორმატიულ აქტში განხორციელდა ცვლილება

„აუდიტორის/აუდიტორული (აუდიტური) ფირმის პროფესიული პასუხისმგებლობის დაზღვევის არსებითი პირობების და სადაზღვევო თანხის განსაზღვრის წესის დამტკიცების შესახებ“ ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსის 2016 წლის 17 ოქტომბრის №12 ბრძანებით დამტკიცებულ წესში შევიდა ცვლილება და მე-2 მუხლის მე-10 პუნქტი ჩამოყალიბდა შემდეგი რედაქციით: ,,აუდიტორი/აუდიტორული ფირმა ვალდებულია აცნობოს სამსახურს პროფესიული პასუხისმგებლობის დაზღვევის თაობაზე დაზღვევის ხელშეკრულების დადების, შეწყვეტის ან მასში ცვლილების შეტანის (მათ შორის, სადაზღვევო თანხის გაზრდის ან შემცირების) შესახებ, სადაზღვევო პერიოდის დაწყების, დაზღვევის ხელშეკრულების დადების, შეწყვეტის ან მასში ცვლილების შეტანის თარიღიდან არაუგვიანეს 5 (ხუთი) სამუშაო დღეში.“.

აღნიშნული ცვლილებით, მესამე პირთა ინტერესთა დაცვის გათვალისწინებით, აუდიტორებს/აუდიტორულ ფირმებს მიეცათ შესაძლებლობა სამსახურს წარუდგინონ შესაბამისი დოკუმენტაცია სადაზღვევო პერიოდის დაწყების თარიღიდან 05 (ხუთი) სამუშაო დღის ვადაში.