მცირე და საშუალო აუდიტორული ფირმების მხარდასაჭერად, მსოფლიო ბანკი ვებინარების სერიას გამართავს

მსოფლიო ბანკისა და ევროკავშირის ერთობლივი ფინანსური ჩართულობისა და ანგარიშვალდებულების პროექტის ფარგლებში, ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურსა და საქართველოს ბუღალტერთა და აუდიტორთა პროფესიულ ორგანიზაციებთან თანამშრომლობით, საქართველოს აუდიტორული მომსახურების ბაზარზე პანდემიის გავლენისა შესაფასებლად, აუდიტორებისა და აუდიტორული ფირმების გამოკითხვა ჩაატარა. გამოკითხვის მიზანი პანდემიის შედეგად შექმნილი მთავარი გამოწვევების გამოვლენა იყო. 

გამოკითხვის შედეგების შესაბამისად, მსოფლიო ბანკი, მცირე და საშუალო აუდიტორული ფირმების (SMP) მხარდასაჭერად, მთავარი გამოწვებების თაობაზე ვებინარების სერიას გამართავს. ვებინარებზე მსმენელს სფეროს წამყვან სპეციალსტთა ცოდნის გაზიარების საშუალება მიეცემათ და პანდემიის შედეგად შექმნილი კრიზისის დაძლევის საშუალებებს გაეცნობიან.

პირველი ვებინარი 30 ნოემბერს გაიმართება, თემაზე: "მცირე და საშუალო აუდიტორული ფირმების მომავალი: კრიზისიდან მიღებული გაკვეთილები და პრაქტიკის ტრანსფორმაცია".

ვებინარის ფარგლებში, პოლ ტომფსონი, მცირე და საშუალო ზომის საწარმოთა ბუღალტერთა და აუდიტორთა ევროპული ფედერაციის (EFAA) დირექტორი, კვლევის შედეგებს მიმოიხილავს. ის ასევე ისაუბრებს იმ ტრანსფორმაციაზე, რომელიც SMP-ისთვის აუცილებელობად იქცა არსებულ კრიზისულ გარემოში. კერძოდ, იგი ციფრული ტექნოლოგიების სწრაფი დანერგვისა და ბიზნესის დივერსიფიკაციას არსებითობაზე იმსჯელებს. 

აუდიტორიის წინაშე წარდგებიან, ასევე, კრისტოფერ არნოლდი, ბუღალტერთა საერთაშორისო ფედერაციის (IFAC) კვლევისა და SME/SMP-ის განყოფილების ხელმძღვანელი და ალექს ფილი, IFAC-ის SMP-ის კომიტეტის წევრი. ისინი მსმენელს წარუდგენენ, თუ როგორ შეუძლია ქართულ SMP-ებს ამ ტრანსფორმაციის განხორციელება IFAC-ის მიერ გამოქვეყნებული სახელმძღვანელოს - „პრაქტიკის ტრანსფორმაციის სამოქმედო გეგმა - მომავლის გზამკვლევი” - დახმარებით. 

იხ. უფრო ვრცლად.