MONEYVAL-მა საქართველოს შესახებ ფულის გათეთრებისა და ტერორიზმის დაფინანსების მიმართულებით ანგარიში გამოაქვეყნა

ფულის გათეთრებისა და ტერორიზმის დაფინანსების საწინააღმდეგო ზომების შეფასების ექსპერტების კომიტეტმა (MONEYVAL) საქართველოს შესახებ, ფულის გათეთრებისა და ტერორიზმის დაფინანსების მიმართულებით, მეხუთე რაუნდის ერთობლივი შეფასების ანგარიში გამოაქვეყნა. 

ანგარიშში აღნიშნულია, რომ საქართველომ ბოლო წლების განმავლობაში მნიშვნელოვან პროგრესს მიაღწია ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით: ჩამოყალიბდა რისკის ეროვნული შეფასების (NRA) მოდელი, ტექნიკური ხარვეზები აღმოიფხვრა კანონმდებლობიდან, სააღსრულებო ორგანოებსა და ფინანსური მონიტორინგის სამსახურებს შორის თანამშრომლობის გასაძლიერებლად მნიშვნელოვანი ზომები იქნა მიღებული, დაიხვეწა გაეროს უშიშროების საბჭოს რეზოლუციების დამკვიდრებისთვის საჭირო მექანიზმები.

ანგარიში აგრეთვე მოიცავს შეფასებებს პროფესიული მომსახურების გამწევ პირებთან (ბუღალტრები/აუდიტორები) და სფეროს ზედამხედველობასთან მიმართებაში.