ფინანსური მონიტორინგის სამსახურის უფროსის ნორმატიული აქტი ძალაში შედის

შეგახსენებთ, რომ „ანგარიშვალდებული პირის მიერ კლიენტის იდენტიფიკაციისა და ვერიფიკაციის წესის დამტკიცების თაობაზე“ საქართველოს ფინანსური მონიტორინგის სამსახურის უფროსის 2020 წლის 5 ივნისის №2 ბრძანებაში განხორციელებული ცვლილების მიხედვით, ნორმატიული აქტი 2020 წლის 20 ოქტომბრიდან ამოქმედდება. 

აღნიშნული დოკუმენტი წარმოადგენს სახელმძღვანელოს ანგარიშვალდებული პირებისთვის, რომელთაც ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონის შესაბამისად წარმოადგენენ:

- სერტიფიცირებული ბუღალტერი;
- იურიდიული პირი, რომელიც ბუღალტრული აღრიცხვის მომსახურებას ახორციელებს და რომლის სახელით მოქმედებს სერტიფიცირებული ბუღალტერი;
- აუდიტორი;
- აუდიტორული (აუდიტური) ფირმა.

სამსახური, დონორებთან ერთად, გარკვეული ტექნიკური დახმარების პროგრამების განხორციელებას გეგმავს ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით - პროფესიისთვის შესაბამისი სახელმძღვანელოების შექმნის და ტრენინგების ჩატარების სახით.

დამატებითი ინფორმაციისთვის შეგიძლიათ მიმართოთ სამსახურს ელექტრონული ფოსტის მეშვეობით: info@saras.gov.ge.