ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

CAPA-ის პუბლიკაციები ქართულ ენაზე ითარგმნა

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ინიციატივით, აზიის და წყნარი ოკეანის ბუღალტერთა კონფედერაციასთან (CAPA) შეთანხმებითა და მსოფლიო ბანკის ხელშეწყობით, ქართულ ენაზე ითარგმნა და სამსახურის ვებ-გვერდზე გამოქვეყნდა CAPA-ს მიერ შემუშავებული პუბლიკაციები:

 
საზოგადოებრივი ინტერესების დაცვისა და ეკონომიკის სტაბილურობის უზრუნველსაყოფად აუცილებელია ბუღალტრის პროფესიის გაძლიერება, რაშიც არსებით როლს ბუღალტერთა პროფესიული ორგანიზაციები ასრულებენ. იზიარებს რა ამ ორგანიზაციების მნიშვნელობას, CAPA-ის ბუღალტერთა პროფესიული ორგანიზაციების განვითარების კომიტეტმა პროფესიული ორგანიზაციების ზრდისა და განვითარების ხელშეწყობის მიზნით „სიმწიფის მოდელი“ შეიმუშავა. 

„სიმწიფის მოდელი“ არის დამხმარე ინსტრუმენტი, რომელიც ბუღალტერთა პროფესიულ ორგანიზაციებს თავიანთი ორგანიზაციული განვითარების მიმართ სისტემური მიდგომის გამოყენების საშუალებას აძლევს, ეხმარება რა მათ სრულყოფას და პროგრესის მონიტორინგში. ის წარმოადგენს ორგანიზაციის ზრდისთვის  ერთგვარ სამოქმედო გეგმას, რომელიც, პროფესიული ორგანიზაციის განვითარების არსებული დონის მიუხედავად, საკუთარი პრაქტიკისა და მიმდინარე პროცესების შეფასებასა და გაუმჯობესებას ეფუძნება.  სიმწიფის მოდელის ღია მიდგომა და მომხმარებელზე ორიენტირებული ინტერფეისი წარმოადგენს მნიშვნელოვან შეთავაზებას, რომელიც უნიკალურია საერთაშორისო პროფესიული ორგანიზაციების განვითარების ეტაპზე. მისი მოქნილობა შესაძლებელს ხდის, რომ პროფესიულმა ორგანიზაციებმა საკუთარი მიზნებისა და გაუმჯობესების ღონისძიებების ტემპის შესახებ თავად მიიღონ გადაწყვეტილებები.