ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

თელავში IV კატეგორიის საწარმოებისთვის ფინანსური ანგარიშგების სტანდარტის და ანგარიშგების წარდგენის სისტემის შესახებ სამუშაო შეხვედრა გაიმართა

9 აგვისტოს, საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა, საქართველოს ფინანსთა სამინისტროს აკადემიასთან ერთად, თელავში  ღონისძიება გამართა IV კატეგორიის საწარმოებისთვის განკუთვნილი ფინანსური ანგარიშგების სტანდარტის შესახებ. ღონისძიებას  მეოთხე კატეგორიის საწარმოების  წარმომადგენლები ესწრებოდნენ.

ღონისძიებების მთავარი მიზანი აუდიტორიისთვის IV კატეგორიის საწარმოების ფინანსური ანგარიშგების ახალი სტანდარტის ძირითადი პრინციპების, საკანონმდებლო მოთხოვნების, ასევე ანგარიშგების წარდგენის განახლებული სისტემის შესახებ ინფორმაციის გაცნობა იყო.

შეხვედრის ფარგლებში, ბრიტანეთის მთავრობის კარგი მმართველობის ფონდის მხარდაჭერით დამუშავებული და მსოფლიო ბანკის სახსრებით დაბეჭდილი თვითსწვალების სახელმძღვანელოები დარიგდა.