ლანჩხუთსა და ბათუმში IV კატეგორიის საწარმოებისთვის ფინანსური ანგარიშგების სტანდარტის და ანგარიშგების წარდგენის სისტემის შესახებ სამუშაო შეხვედრები გაიმართა

11-12 ივლისს, საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა, ფინანსთა სამინისტროს აკადემიის მხარდაჭერით, ლანჩხუთსა და ბათუმში IV კატეგორიის საწარმოებისთვის სამი ღონისძიება გამართა. 

ღონისძიებების მთავარი მიზანი აუდიტორიისთვის IV კატეგორიის საწარმოების ფინანსური ანგარიშგების ახალი სტანდარტის ძირითადი პრინციპების, საკანონმდებლო მოთხოვნების, ასევე ანგარიშგების წარდგენის განახლებული სისტემის შესახებ ინფორმაციის გაცნობა იყო.

შეხვედრის ფარგლებში, ბრიტანეთის მთავრობის კარგი მმართველობის ფონდის მხარდაჭერით დამუშავებული და მსოფლიო ბანკის სახსრებით დაბეჭდილი თვითსწვალების სახელმძღვანელოები დარიგდა.