ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

სამსახურმა IFIAR-ის ორგანიზებულ „აღსრულების სემინარში“ მიიღო მონაწილეობა

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენლებმა შვეიცარიაში, ქალაქ ციურიხში აუდიტის დამოუკიდებელ საზედამხედველო ორგანოთა საერთაშორისო ფორუმის (IFIAR) მიერ 17-18 ივნისს ორგანიზებულ „აღსრულების სემინარში“ მიიღეს მონაწილეობა. 

მოწვეულმა გამომსვლელებმა აუდიტის ხარისხის უზრუნველყოფის მიმართულებით სტანდარტების და საკანონმდებლო ნორმების აღსრულების პრინციპებზე, საერთაშორისო თანამშრომლობაზე, თანამედროვე ტექნოლოგიების გამოყენებაზე, დარგში არსებულ ტენდენციებსა და  გამოწვევებზე ისაუბრეს.

ღონისძიებაზე პრეზენტაციით წარდგა სამსახურის უფროსი და დამსწრე საზოგადოებას აუდიტის ხარისხის მიმართულებით აღსრულების საქართველოს საზედამხედველო პრაქტიკის მიღწევები და გამოწვევები გააცნო.
ფორუმს სხვადასხვა ქვეყნის აუდიტის საზედამხედველო ორგანოების აღსრულების დეპარტამენტების წარმომადგენლები ესწრებოდნენ.