სამსახურისა და მსოფლიო ბანკის ორგანიზებით რეფორმისა და მსს ფასს შესახებ ცნობიერების ამაღლებასთან დაკავშირებული ღონისძიებები გაიმართა

15-16 ნოემბერს, ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურისა და მსოფლიო ბანკის ფინანსური ანგარიშგების რეფორმის ცენტრის (CFRR) ორგანიზებით, სფეროში მიმდინარე რეფორმის, აგრეთვე მცირე და საშუალო საწარმოთა ფინანსური ანგარიშგების საერთაშორისო სტანდარტის (IFRS for SMEs) შესახებ ცნობიერების ამაღლებისათვის გამიზნული ღონისძიება გაიმართა.

ღონისძიებას შესაბამისი ზომითი კატეგორიის საწარმოთა 300-ზე მეტი წარმომადგენელი და პროფესიული საზოგადოების წარმომადგენლები დაესწრნენ.

ღონისძიების ფარგლებში, საქართველოს პირველად ესტუმრა ფინანსური ანგარიშგების საერთაშორისო სტანდარტების ფონდის (IFRS Foundation) განათლების დირექტორი მეთ თილინგი, რომელმაც დამსწრე საზოგადოებას მსს ფასს სტანდარტთან დაკავშირებული მნიშვნელოვანი საკითხები გააცნო.

აუდიტორიის წინაშე ინვესტორთა თვალთახედვასთან დაკავშირებული მოხსენებით წარდგნენ მსოფლიო ბანკის სამხრეთ კავკასიის რეგიონული პროგრამების ხელმძღვანელი, ფინანსური ანგარიშგების რეფორმის ცენტრის მენეჯერი, საერთაშორისო საფინანსო კორპორაციის წარმომადგენლები.

თავის მხრივ, სამსახურის წარმომადგენლებმა რეფორმის მნიშვნელობისა და მიზნების განხილვის პარალელურად, საქმიანობის ძირითად მიმართულებებთან, ანგარიშგების წარდგენის მოთხოვნებთან, გასაჯაროების სისტემასთან და სარგებელთან დაკავშირებული საკითხები და სიახლეები მიმოიხილეს.

იხილეთ პრეზენტაციები: ქართულად (ბმული1, ბმული2) და ინგლისურად (ბმული1, ბმული2)