ქუთაისში გაიმართა შეხვედრა პროფესიულ წრეებთან

2017 წლის 21 აპრილს, ქალაქ ქუთაისში გაიმართა საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ ინიცირებული შეხვედრა ქუთაისის და ზუგდიდის პროფესიული წრეების წარმომადგენლებთან (აუდიტორებთან) მრგვალი მაგიდის ფორმატით. 

შეხვედრა ბუღალტრული აღრიცხვის, ანგარიშგებისა და აუდიტის რეფორმის მიმდინარეობის განხილვას დაეთმო. აღნიშნულ საკითხთან დაკავშირებით წარდგენილი პრეზენტაციის ფარგლებში დამსწრე საზოგადოება აუდიტის სფეროში არსებულ მდგომარეობას გაეცნო. 

შეხვედრის დიდი ნაწილი კითხვა-პასუხის რეჟიმში წარიმართა და მონაწილეებს სფეროში დაგროვილი აქტუალური საკითხების გარშემო მსჯელობის საშუალება მიეცათ.