სამსახური (SARAS), საქართველოს მასშტაბით, ღონისძიებების ციკლს იწყებს თემაზე: „2024 წლის საანგარიშგებო პერიოდის ანგარიშგების წარდგენის პროცესი“

სამსახური (SARAS), საქართველოს პროფესიონალ ბუღალტერთა და აუდიტორთა ფედერაციასა და საქართველოს აუდიტორთა, ბუღალტერთა და ფინანსურ მენეჯერთა პროფესიულ ფედერაციასთან ერთად, ტრადიციულად, წელსაც, საინფორმაციო შეხვედრების ციკლს გამართავს, საქართველოს მასშტაბით, რეგიონში არსებული მცირე და საშუალო მეწარმეებისთვის, მესამე და მეოთხე კატეგორიის საწარმოებისთვის. შეხვედრების მთავარი მიზანია დაინტერესებული მხარეების ინფორმირება, მათთვის ანგარიშგების წარდგენის პროცესის გამარტივება და წარდგენილი ანგარიშგებების ხარისხის გაუმჯობესება, ასევე წარდგენის დროს ხშირად დაშვებული შეცდომების ანალიზი. შეხვედრები ინტერაქციული ხასიათის იქნება.

საინფორმაციო შეხვედრები ჩატარდება შემდეგ რეგიონებში/ქალაქებში: ბათუმი, ოზურგეთი, ფოთი, ზუგდიდი, ქუთაისი, თელავი და თბილისი.

საინფორმაციო შეხვედრის ადგილმდებარეობები, დაინტერესებული მხარეების გამოკითხვის შედეგად განისაზღვრა, შესაბამისად სამსახურს აქვს მოლოდინი, რომ შეხვედრების ციკლი მაქსიმალურად დაფარავს სამიზნე აუდიტორიას.

შეგახსენებთ, 2024 წლის საანგარიშგებო პერიოდზე ანგარიშგების წარდგენისა და გასაჯაროების პროცესი დაიწყო და მიმდინარეობს უწყვეტად!
ანგარიშვალდებულმა სუბიექტებმა ანგარიშგება უნდა წარმოადგინონ დაუყოვნებლივ, ხელმისაწვდომობისთანავე, ანგარიშგების პორტალზე: https://rms.reportal.ge/ 

არ დაელოდოთ მონაცემების ატვირთვის საბოლოო ვადას, ანგარიშგების დროული წარდგენით თქვენს ორგანიზაციას უქმნით სანდო და გამჭვირვალე იმიჯს, ეხმარებით ინვესტორების მოძიებაში და ზრდით საბანკო სექტორთან საიმედო პარტნიორობის პოტენციალს.