- ჩვენ შესახებ
- რეესტრები
- რეგულაცია
- სასარგებლო ინფორმაცია
- საჯარო ინფორმაცია
სამსახურმა (SARAS) საინფორმაციო შეხვედრა გამართა აუდიტორებისა და იმ საწარმოთა წარმომადგენლებისთვის, რომლებიც ანგარიშგებას ფასს სტანდარტებით ამზადებენ.
შეხვედრის მიზანს წარმოადგენდა საწარმოთა ხელშეწყობა, რათა მათ შეძლონ დროული და ხარისხიანი ანგარიშგების წარდგენა. შეხვედრაზე დეტალურად გაანალიზდა სამსახურის მიერ წლის განმავლობაში ყველაზე ხშირად გამოვლენილი შეუსაბამობები ფასს სტანდარტებთან მიმართებით და გაზიარდა შესაბამისი რეკომენდაციები. ამავდროულად, ფინანსური ანგარიშგებების სტანდარტებთან შესაბამისობის ზრდის ხელშესაწყობად, განხილულ იქნა ფინანსური ანგარიშგებისა და ეფექტური კომუნიკაციის პრინციპები. ყურადღება გამახვილდა არსებითობაზე, მის რაოდენობრივ და ხარისხობრივ ფაქტორებზე, რომელიც ფინანსური ანგარიშგების მომზადების საფუძველია.
სამსახური განაგრძობს საწარმოთა ხელშეწყობას და ინფორმირებას, რისთვისაც საქართველოს მასშტაბით საინფორმაციო შეხვედრების ციკლს ფიზიკურ სივრცეშიც გამართავს, თემაზე:„ანგარიშგების წარდგენის პროცესი და ბუღალტრების/საბუღალტრო ფირმების რეესტრებში რეგისტრაცია“. გთხოვთ, მონაწილეობა მიიღოთ გამოკითხვაში, რაც სამსახურს დაეხმარება დამსწრეთათვის ხელსაყრელი შეხვედრის ადგილმდებარეობების განსაზღვრაში.
შეგახსენებთ, 2024 წლის საანგარიშგებო პერიოდზე ანგარიშგების წარდგენისა და გასაჯაროების პროცესი დაიწყო და მიმდინარეობს უწყვეტად!
ანგარიშვალდებულმა სუბიექტებმა ანგარიშგება უნდა წარმოადგინონ დაუყოვნებლივ, ხელმისაწვდომობისთანავე, ანგარიშგების პორტალზე: https://rms.reportal.ge/
არ დაელოდოთ მონაცემების ატვირთვის საბოლოო ვადას, ანგარიშგების დროული წარდგენით თქვენს ორგანიზაციას უქმნით სანდო და გამჭვირვალე იმიჯს, ეხმარებით ინვესტორების მოძიებაში და ზრდით საბანკო სექტორთან საიმედო პარტნიორობის პოტენციალს.