სამსახურის (SARAS) უფროსის ორი ახალი ბრძანება შევიდა ძალაში

ძალაში შევიდა ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსის ბრძანებები საზოგადოებრივი დაინტერესების პირისთვის ფინანსური ანგარიშგების აუდიტის განმახორციელებელი აუდიტორული ფირმის მიერ გამჭვირვალობის შესახებ წლიური ანგარიშის შედგენისა და გამოქვეყნების წესის დამტკიცების თაობაზე და აუდიტორული ფირმის მიერ აუდიტის კომიტეტისთვის წარსადგენი დამატებითი ანგარიშის მომზადებისა და წარდგენის წესის დამტკიცების თაობაზე.

2024 წლის ივნისში „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონში და „მეწარმეთა შესახებ“ საქართველოს კანონში განხორციელებული ცვლილებების თანახმად, საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურს დაეკისრა ვალდებულება შეემუშავებინა:

• გამჭვირვალობის შესახებ წლიური ანგარიშის შედგენისა და გამოქვეყნების წესი;
• აუდიტის კომიტეტისათვის წარსადგენი დამატებითი ანგარიშის მომზადებისა და წარდგენის წესი.

აღნიშნული ვალდებულებების შესაბამისად, 2025 წლის 16 მაისის Nნ-5 ბრძანებით დამტკიცდა „საზოგადოებრივი დაინტერესების პირისთვის ფინანსური ანგარიშგების აუდიტის განმახორციელებელი აუდიტორული ფირმის მიერ გამჭვირვალობის შესახებ წლიური ანგარიშის შედგენისა და გამოქვეყნების წესი“, ხოლო ამავე დღის Nნ-6 ბრძანებით - „აუდიტორული ფირმის მიერ აუდიტის კომიტეტისათვის წარსადგენი დამატებითი ანგარიშის მომზადებისა და წარდგენის წესი“. აღნიშნული წესები შემუშავებულია ევროკავშირის 537/2014 რეგულაციის შესაბამისად.

საზოგადოებრივი დაინტერესების პირისთვის (სდპ) ფინანსური ანგარიშგების აუდიტის განმახორციელებელი აუდიტორული ფირმის მიერ გამჭვირვალობის შესახებ წლიური ანგარიშის შედგენისა და გამოქვეყნების წესი განსაზღვრავს საქართველოში აუდიტორული საქმიანობის  გამჭვირვალობის მიზნით, საზოგადოებრივი დაინტერესების პირის (სდპ) ფინანსური ანგარიშგების აუდიტის განმახორციელებელი აუდიტორული ფირმების მიერ გამჭვირვალობის შესახებ წლიური ანგარიშის შედგენისა და გამოქვეყნების პროცედურებს. 

აღნიშნული წესი წარმოადგენს ფინანსური გამჭვირვალობის ხელშეწყობისა და საზოგადოებრივი დაინტერესების პირისთვის (სდპ) ფინანსური ანგარიშგების აუდიტის განმახორციელებელი აუდიტორული ფირმების საქმიანობის თაობაზე საზოგადოების ინფორმირებულობის გაზრდის ინსტრუმენტს. მისი მიზანია აუდიტორული ფირმების და მათი საქმიანობის მიმართ ნდობის ზრდა, რაც გაზრდის ინვესტორებისა და მომხმარებლების მიერ ამ სფეროსკენ მიმართული ნდობის ხარისხს.

რაც შეეხება აუდიტორული ფირმის მიერ აუდიტის კომიტეტისთვის წარსადგენი დამატებითი ანგარიშის მომზადებისა და წარდგენის წესს, აუდიტორული ფირმის მიერ აუდიტის კომიტეტისთვის წერილობით დამატებითი ანგარიშის წარდგენა აუდიტის შედეგების განმარტების მიზნით ან/და ,,ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 141 მუხლის მე-3 პუნქტით გათვალისწინებული გარემოებების ასახვა აუდიტირებული სუბიექტის აუდიტის კომიტეტისთვის წარდგენილ დამატებით ანგარიშში, ემსახურება საქართველოში აუდიტორული მომსახურების ხარისხის უზრუნველყოფის ხელშეწყობას და პროცესების გამჭვირვალობის დონის ამაღლებას.