სამსახურმა (SARAS), III და IV კატეგორიის საწარმოებისთვის, საინფორმაციო შეხვედრა გამართა

სამსახურმა (SARAS), III და IV კატეგორიის საწარმოებისთვის ონლაინ საინფორმაციო შეხვედრა გამართა. შეხვედრის მიზანი იყო დამსწრე აუდიტორიისთვის მნიშვნელოვანი საკანონმდებლო ცვლილებების შესახებ ინფორმაციის მიწოდება და ანგარიშგების წარდგენის პროცესის გამარტივება იმ საკითხების განხილვისა და რეკომენდაციების გაცემის გზით, რომლებიც მნიშვნელოვანია ხარისხიანი ანგარიშების მომზადებისთვის და ხელს შეუწყობს დროული წარდგენის დინამიკის ზრდას.

შეგახსენებთ, რომ ანგარიშგების წარდგენისა და გასაჯაროების პროცესი მიმდინარეობს უწყვეტად. სუბიექტებმა 2024 წლის საანგარიშგებო პერიოდის ფინანსური ანგარიშგება უნდა წარმოადგინონ დაუყოვნებლივ, ანგარიშგების ხელმისაწვდომობისთანავე,  არაუგვიანეს საანგარიშგებო პერიოდის დასრულებიდან 9 თვის ვადაში ანგარიშგების პორტალზე.  

ანგარიშგებების დროულობა უაღრესად მნიშვნელოვანია კაპიტალის ბაზრის განვითარებისთვის და ფინანსებზე ხელმისაწვდომობის ზრდისთვის. ანგარიშგების დროული წარდგენით თქვენს ორგანიზაციას უქმნით სანდო და გამჭვირვალე იმიჯს, ეხმარებით ინვესტორების მოძიებაში და ზრდით საბანკო სექტორთან საიმედო პარტნიორობის პოტენციალს.