სამსახურის (SARAS) უფროსის Nნ-18 ბრძანებით ბუღალტრული აღრიცხვის, ანგარიშგებისა და აუდიტის ზედამხედველობის სამსახურიდან საჯარო ინფორმაციის ელექტრონული ფორმით მოთხოვნის სტანდარტი დამტკიცდა

2024 წლის 31 დეკემბერს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსის Nნ-18 ბრძანებით დამტკიცდა ბუღალტრული აღრიცხვის, ანგარიშგებისა და აუდიტის ზედამხედველობის სამსახურიდან საჯარო ინფორმაციის ელექტრონული ფორმით მოთხოვნის სტანდარტი.

სამსახურიდან საჯარო ინფორმაციის ელექტრონული ფორმით მოთხოვნის სტანდარტის შესაბამისად, ნებისმიერ პირს შესაძლებლობა აქვს, სახლიდან გაუსვლელად, სამსახურის (SARAS) ვებგვერდზე (saras.gov.ge) არსებული მეილების ელექტრონულ სისტემაში: https://saras.gov.ge/ms/, დადგენილი წესით წერილობითი განცხადების ფაილის წარდგენის გზით, მოითხოვოს და მიიღოს სამსახურში არსებული საჯარო ინფორმაცია.

დადგენილი წესით, განცხადების ფაილის წარუდგენლობის შემთხვევაში, განმცხადებელს მიეცემა გონივრული ვადა დაზუსტებისათვის. თუ დადგენილ ვადაში განმცხადებელი არ წარადგენს შესაბამის ინფორმაციას, განცხადება დარჩება განუხილველი. ამასთან, გასათვალისწინებელია, რომ წარმოდგენილი სტანდარტის მიღება არ ზღუდავს განმცხადებელს განცხადების მატერიალური ფორმით წარმოდგენის შესაძლებლობისგან.