„პროფესიული სერტიფიცირების სტანდარტისა და სასერტიფიკაციო პროგრამებისა და საგამოცდო პროცესის აღიარების წესის დამტკიცების შესახებ“ სამსახურის (SARAS) უფროსის 2017 წლის 25 სექტემბრის №ნ-16 ბრძანებაში ცვლილება შევიდა

როგორც ცნობილია, მოქმედი „პროფესიული სერტიფიცირების სტანდარტისა და სასერტიფიკაციო პროგრამებისა და საგამოცდო პროცესის აღიარების წესის დამტკიცების შესახებ“ სამსახურის (SARAS) უფროსის 2017 წლის 25 სექტემბრის №ნ-16 ბრძანებით დამტკიცებული სტანდარტის (დანართი N1) 24-ე მუხლით განსაზღვრულია, რომ პროფესიული ორგანიზაციები 2025 წლის 1 იანვრამდე აღიარებენ საგანმანათლებლო საქმიანობის განმახორციელებელი პირების ცალკეულ დისციპლინებს (საგნებს) ბიზნესის ადმინისტრირების მიმართულებებით ბუღალტრული აღრიცხვის და აუდიტის, მენეჯმენტის, ფინანსების და ეკონომიკის პროგრამების ფარგლებში. ამ პუნქტის მიზნებისათვის პროფესიული ორგანიზაცია უფლებამოსილია, თავისი სასერტიფიკაციო პროგრამის ფარგლებში, მის მიერ დადგენილი კრიტერიუმების საფუძველზე, უზრუნველყოს საგანმანათლებლო საქმიანობის განმახორციელებელი პირისათვის დისციპლინების (საგნების) აღიარება მხოლოდ კომპეტენციის საბაზო დონეზე.

წარმოდგენილი ცვლილება ითვალისწინებს, საგანმანათლებლო საქმიანობის განმახორციელებელი პირების საგნების აღიარებისთვის განსაზღვრული ვადის გადაწევას 2026 წლის 1 იანვრამდე.

ამავდროულად, დღეს მოქმედი ამავე სტანდარტის 24-ე მუხლის 11, 21 და 22   პუნქტებით გათვალისწინებული საშეღავათო ნორმები, რომლებიც ძალაში იყო 2024 წლის ბოლომდე (ხოლო პირველი პუნქტი ამოქმედებიდან დასრულდა 2023 წლის ბოლოს), ამოღებულია მოქმედი რედაქციიდან.