სამსახური (SARAS), ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით დაინტერესებული მხარეებისთვის, ცნობიერების ამაღლების მიზნით საინფორმაციო შეხვედრას განმეორებით გამართავს

სამსახურის (SARAS), ფულის გათეთრების წინააღმდეგ ბრძოლის ზედამხედველობის დეპარტამენტი, 26 დეკემბერს 11:00 საათზე დაინტერესებული მხარეებისთვის საინფორმაციო შეხვედრას განმეორებით გამართავს. შეხვედრა დაეთმობა აუდიტორიისთვის ორი ახალი სამართლებრივი აქტის განხილვას კერძოდ, ანგარიშვალდებული პირის მიერ შესაბამისობის კონტროლის სისტემის დანერგვის წესსა და ფულის გათეთრებისა და ტერორიზმის დაფინანსების რისკების შეფასებისა და მართვის სახელმძღვანელოს. 

სამსახურის წარმომადგენლები დაინტერესებულ პირებს სამართლებრივი აქტებით დადგენილი საკითხების ირგვლივ რელევანტურ ინფორმაციას მიაწვდიან და მათთვის საინტერესო კითხვებს უპასუხებენ.

შეხვედრა ონლაინ ფორმატში გაიმართება. დასასწრებად, გთხოვთ, გაიაროთ წინასწარი რეგისტრაცია ბმულზე.

შეხვედრის ბმულს მიიღებთ სარეგისტრაციო ფორმაში მითითებულ მეილზე.