„ფასს სტანდარტებისა და მსს ფასს სტანდარტის განახლებები” - სამსახურმა (SARAS), IFRS-თან თანამშრომლობითა და მსოფლიო ბანკის მხარდაჭერით, ყოველწლიური ღონისძიება გამართა

სამსახურმა (SARAS), ფინანსური ანგარიშგების საერთაშორისო სტანდარტების ფონდთან (IFRS Foundation) თანამშრომლობითა და მსოფლიო ბანკის ფინანსური მხარდაჭერით, მერვე ყოველწლიური ღონისძიება გამართა. ღონისძიების მიზანია დაინტერესებული მხარეებისთვის დროული და სიღრმისეული ინფორმაციის მიწოდება ფასს სტანდარტებისა და მსს ფასს სტანდარტის განახლებებთან დაკავშირებით.

ღონისძიება სამსახურთან ერთად, მსოფლიო ბანკის წარმომადგენელმა ანჯ უბელისმა გახსნა. შეხვედრის მომხსენებელი კი ბუღალტრული აღრიცხვის საერთაშორისო სტანდარტების საბჭოს (IASB) წევრი ძიენციაო ლუ გახლდათ. მან მონაწილეებს დეტალურად გააცნო ფასს სტანდარტებსა და მსს ფასს სტანდარტთან დაკავშირებული ცვლილებები და სიახლეები, ასევე უპასუხა შეხვედრის ფარგლებში აუდიტორიის მხრიდან დასმულ შეკითხვებს.  

ღონისძიების სამიზნე აუდიტორიას წარმოადგენდა აუდიტორები, საზოგადოებრივი დაინტერესების მქონე პირები (სდპ), I, II და III კატეგორიის საწარმოები. ღონისძიებას ჯამში 260-მდე ადამიანი დაესწრო.

იხილეთ ღონისძიების მიმდინარეობისას გამოყენებული პრეზენტაცია.