სამსახურმა (SARAS) ფულის გათეთრებისა და ტერორიზმის დაფინანსების რისკების შეფასებისა და მართვის სახელმძღვანელო გამოაქვეყნა

„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-20 მუხლის მე-9 პუნქტის ,,ბ1’ ქვეპუნქტის, „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მე-4 მუხლის „ა’’ ქვეპუნქტის, მე-8 მუხლისა და 38-ე მუხლის მე-5 პუნქტის საფუძველზე, ,,ფულის გათეთრებისა და ტერორიზმის დაფინანსების რისკების შეფასებისა და მართვის სახელმძღვანელო“ დამტკიცდა.

სახელმძღვანელო მიზნად ისახავს ერთის მხრივ მეთოდოლოგიური მხარდაჭერა გაუწიოს ანგარიშვალდებულ პირებს, ფულის გათეთრებისა და ტერორიზმის დაფინანსების (ML/TF)  რისკების შეფასებისა და მართვის სათანადო სახელმძღვანელოს შემუშავებაში, ხოლო მეორეს მხრივ ორიენტირებულია სამსახურის ზედამხედველობის ეფექტურად  განხორციელებასა და წარმართვაში.  

ფულის გათეთრებისა და ტერორიზმის დაფინანსების  რისკების შეფასებისა და მართვის ერთიანი უნივერსალური მოდელის არარსებობის პირობებში, სახელმძღვანელოში მოცემული ინფორმაცია ანგარიშვალდებულ პირს დაეხმარება ამ მიმართულებით არსებული მოთხოვნების პრაქტიკულ გამოყენებასა და დანერგვაში, რაც ხელს შეუწყობს მას, საკუთარ სპეციფიკაზე მორგებული რისკის შეფასების მოდელისა და შესაბამისი მართვის სისტემების შემუშავებისა და დანერგვის პროცესის წარმართვისას გაითვალისწინოს ამ მიმართულებით გაცხადებული საზედამხედველო მოლოდინები.

სახელმძღვანელო ეფუძნება „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონს, მისი შემუშავების პროცესში ასევე გათვალისწინებულია ფინანსურ ქმედებათა სპეციალური ჯგუფის (FATF), ევროკავშირის დირექტივებისა და სხვა შესაბამისი საერთაშორისო ორგანიზაციების მიერ დადგენილ სტანდარტები და რეკომენდაციები.