“ფასს სტანდარტებისა და მსს ფასს სტანდარტის განახლებები” - სამსახური (SARAS) IFRS-თან თანამშრომლობითა და მსოფლიო ბანკის მხარდაჭერით ყოველწლიურ ღონისძიებას მერვედ გამართავს

11 ნოემბერს, 12:00 საათზე, სამსახური, ფინანსური ანგარიშგების საერთაშორისო სტანდარტების ფონდთან (IFRS Foundation) თანამშრომლობითა და მსოფლიო ბანკის ფინანსური მხარდაჭერით, მერვე ყოველწლიურ ღონისძიებას მართავს, რომლის სამიზნე აუდიტორიას წარმოადგენს ბუღალტრები, აუდიტორები, საზოგადოებრივი დაინტერესების მქონე პირები (სდპ), I და II კატეგორიის საწარმოები და ინვესტორები. 

შეხვედრის მიზანია დაინტერესებული მხარეებისთვის დროული და სიღრმისეული ინფორმაციის მიწოდება ბუღალტრული აღრიცხვის დარგში არსებულ სიახლეებთან და ცვლილებებთან დაკავშირებით, რაც თავის მხრივ ანგარიშგების ხარისხის გაუმჯობესებას შეუწყობს ხელს.  

შეხვედრის მომხსენებელი ბუღალტრული აღრიცხვის საერთაშორისო სტანდარტების საბჭოს (IASB) წევრი ძიენციაო ლუ  გახლავთ, რომელიც მონაწილეებს დეტალურად გააცნობს ფასს სტანდარტებსა და მსს ფასს სტანდარტთან დაკავშირებულ ცვლილებებსა და სიახლეებს. ღონისძიება ინტერაქციული ხასიათის იქნება, შესაბამისად, მონაწილეებს საშუალება მიეცემათ მათთვის საინტერესო საკითხებზე უშუალოდ მომხსენებლისგან მიიღონ კომპეტენტური პასუხები.

ღონისძიება ონლაინ ფორმატში გაიმართება, დასასწრებად, გთხოვთ, შეავსოთ სარეგისტრაციო ფორმა.

იხილეთ ღონისძიების დღის წესრიგი.