სამსახურმა (SARAS) ახალი ნორმატიული აქტი მიიღო

კანონქვემდებარე აქტის მიღება განპირობებულია „ბუღალტრული აღრიცხვის, ანგარიშგების და აუდიტის შესახებ“ საქართველოს კანონში არსებული მოთხოვნით, რომ ანგარიშვალდებული პირის მხრიდან დაინერგოს შესაბამისობის კონტროლის სისტემა კანონის მოთხოვნების სისრულეში მოსაყვანად.

წესი მოიცავს საკითხებს, რომლებიც ანგარიშვალდებულმა პირმა უნდა გაითვალისწინოს შესაბამისობის კონტროლის სისტემის დანერგვის მიზნებისთვის. 
კანონქვემდებარე აქტის ამოქმედება უზრუნველყოფს ანგარიშვალდებულ პირთა ცნობიერების ამაღლებას და შესაბამისობას ერთი მხრივ ქართულ კანონმდებლობასთან, მეორე მხრივ კი ჰარმონიზაციას ევროკავშირის დირექტივებთან (2015/849 და 2018/843) და საერთაშორისო სტანდარტებთან, კერძოდ, ფინანსურ ქმედებათა სპეციალური ჯგუფის (FATF) რეკომენდაციებთან. 

აღნიშნული წესით დადგენილ მოთხოვნებთან შესაბამისობა ანგარიშვალდებულმა პირებმა უნდა მოახდინონ არაუგვიანეს 2024 წლის 31 დეკემბრისა, რაც უზრუნველყოფს მათთვის საჭირო საშეღავათო პერიოდს.