სამსახურის წარმომადგენლებმა მსოფლიო ბანკის ფინანსური ანგარიშგების რეფორმის ცენტრის (CFRR) მიერ, ავსტრიაში გამართულ ღონისძიებაში მიიღეს მონაწილეობა, რომელიც ეძღვნებოდა ახალი რეგიონული პროექტის, "აღრიცხვის, აუდიტისა და მდგრადობის ანგარიშგების პროგრამის გაძლიერება (EAASURE)" დაწყებას

ფინანსური ანგარიშგების რეფორმის ცენტრმა (CFRR) წარმატებით დაიწყო რეგიონული პროექტი "აღრიცხვის, აუდიტისა და მდგრადობის ანგარიშგების პროგრამის გაძლიერება (EAASURE)" ცოდნის გაზიარების ღონისძიების ფარგლებში, რომელიც გაიმართა 28-29 მაისს ავსტრიაში, ვენაში. ღონისძიება აღმოსავლეთ ევროპის რეგიონული საჯარო აუდიტის რეფორმის განხორციელების მხარდაჭერის (REPARIS) პროექტთან ერთად გაიმართა.

ღონისძიებაზე 11 ბენეფიციარი ქვეყნის წარმომადგენლები შეიკრიბნენ, ევროკავშირის ახალი მოთხოვნების დაკმაყოფილებისა და კორპორაციული ფინანსური და მდგრადობის ანგარიშგების გამოწვევების დაძლევის სტრატეგიების განსახილველად. მონაწილეებს შორის იყვნენ ფინანსთა სამინისტროების, საჯარო აუდიტის ზედამხედველობის ორგანოების და პროფესიული ბუღალტრული ასოციაციების წარმომადგენლები და სხვა ოფიციალური პირები.

აღსანიშნავია, რომ ღონისძიების პანელისტებს შორის, მომხსენებელი საქართველოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ხელმძღვანელი გახლდათ, რომელმაც კორპორაციული მართვის სტანდარტებისა და კოდექსების დაცვის შესახებ ანგარიშთან (ROSC) დაკავშირებით, ქვეყნისთვის მის მნიშვნელობასა და სარგებელზე ისაუბრა. 

ღონისძიების ფარგლებში, CFRR-მა ახალი რეგიონალური პროგრამა EAASURE და მისი მოსალოდნელი შედეგები წარადგინა. პროგრამა ორიენტირებულია ქვეყნების მხარდაჭერაზე კოროპორატიული ფინანსური და მდგრადობის ანგარიშგებაზე ევროკავშირის ახალი მოთხოვნების დაკმაყოფილებასთან დაკავშირებით.

შეხვედრების დროს დისკუსიები ეხებოდა ევროკავშირის აუდიტის რეფორმის შედეგებს, საბერძნეთის ინსტიტუციური ჩარჩოსა და ფინანსური ანგარიშგების საბჭოს (FRC UK) მიერ გაზიარებული გამოცდილებას.
EAASURE მიზნად ისახავს გააძლიეროს კორპორაციული ფინანსური ანგარიშგების პრაქტიკა და ხელი შეუწყოს მდგრადობის ანგარიშგების მიღებას აღმოსავლეთ ევროპისა და ცენტრალური აზიის (ECA) რეგიონში. ღონისძიების მონაწილე ქვეყნები მიიღებენ მხარდაჭერას ანგარიშგების პრაქტიკის რეფორმაში, მარეგულირებელი ჩარჩოების ჩამოყალიბებაში და ინსტიტუციური შესაძლებლობების გაძლიერებაში.

EAASURE პროგრამის მნიშვნელოვან ბენეფიციარებს წარმოადგენენ ალბანეთი, სომხეთი, აზერბაიჯანი, ბოსნია და ჰერცეგოვინა, საქართველო, კოსოვო, მოლდოვა, მონტენეგრო, ჩრდილოეთ მაკედონია, სერბეთი და უკრაინა.