სამსახურთან, კორპორაციული მდგრადობის ანგარიშგების სტანდარტის თარგმანის ხარისხის შეფასების სამუშაო ჯგუფი შეიქმნა

ექსპერტთა კომიტეტი სამსახურის (SARAS) დებულების შესაბამისად, სამსახურის უფროსის ბრძანების საფუძველზე, საქართველოსა და ევროკავშირს შორის ასოცირების შეთანხმების ნაკისრი ვალდებულების გათვალისწინებით, ევროკომისიისა და საბჭოს 2022 წლის 14 დეკემბრის დირექტივასთან დინამიური დაახლოებისა და ამასთან, კორპორაციული მდგრადობის ანგარიშგების სტანდარტის (European Sustainability Reporting Standards (ESRS)) მაღალი ხარისხით თარგმნის სისწორის, ტერმინთა შეთანხმებისა და სამოქმედოდ შემოღების უზრუნველყოფის მიზნით შეიქმნა. ექსპერტთა კომიტეტი 11 წევრს აერთიანებს, როგორც საჯარო, ისე კერძო სექტორიდან.

როგორც უკვე ცნობილია 2022 წელს, ევროკომისიამ კორპორაციული მდგრადობის ანგარიშგების დირექტივა (CSRD) შეიმუშავა, რომელიც 2023 წლის 5 იანვრიდან შევიდა ძალაში ევროკავშირის წევრი ქვეყნებისთვის. აღნიშნულმა დირექტივამ აქამდე არსებული არაფინანსური ანგარიშგების დირექტივა ჩაანაცვლა - განახლებული რედაქციითა და მოთხოვნებით. შესაბამისად, საწარმოებს, კორპორაციული მდგრადობის ანგარიშგების მომზადება შესაბამისი სტანდარტის გამოყენებით დაევალებათ. უნდა აღინიშნოს, რომ ქვეყანაში ახალი დირექტივების დანერგვა კომპლექსური საკითხია, შესაბამისად  ეტაპობრივად მოხდება იმ ანგარიშვალდებულ პირთა წრის გაფართოებაც, რომლებსაც განახლებული მოთხოვნებით მოუწევთ ანგარიშგების მომზადება.

დინამიური აპროქსიმაციის ფარგლებში, იმისათვის, რომ საქართველომ ევროკავშირის მოთხოვნებს აუწყოს ფეხი, სამსახური, კომპეტენციის ფარგლებში სხვადასხვა აქტივობას გეგმავს, მათ შორის მუშაობს  სტანდარტის თარგმნაზე, რაც საწარმოებს ხელს შეუწყობს, ანგარიშგების განახლებული სტანდარტით მომზადების პროცესს.