ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

„საუკეთესო წლიური ანგარიშის და გამჭვირვალობის ჯილდო 2022 (BARTA)” – კონკურსზე რეგისტრაცია დაიწყო

ევროკავშირი და მსოფლიო ბანკი, ბუღალტრული აღრიცხვის, ანგარიშგების  და აუდიტის რეფორმების მხარდაჭერის ეროვნულ ფონდთან (RSF) პარტნიორობით, 2022 წლის კონკურსს „საუკეთესო წლიური ანგარიშის და გამჭვირვალობის ჯილდოს“ (BARTA) გახსნილად აცხადებენ. 

კონკურსი ევროკავშირის და მსოფლიო ბანკის  ფინანსური ჩართულობის და ანგარიშვალდებულების ერთობლივი პროექტის ფარგლებში ტარდება და მისი მიზანი ქართული კომპანიების ანგარიშგების და გამჭვირვალობის ხარისხის ამაღლებაა. ევროპული და გლობალური მოვლენების გათვალისწინებით, კერძოდ კი, მდგრადი ანგარიშგების დანერგვის მიმართულებით გადადგმული ნაბიჯების გათვალისწინებით, ჯილდოს კიდევ უფრო მნიშვნელოვანი როლი ენიჭება.


წლევანდელი BARTA  ღიაა საზოგადოებრივი დაინტერესების მქონე ყველა პირისთვის (სდპ), რომელთა შორის არიან A და B სალისტინგო კატეგორიებში შემავალი კომპანიები, ბანკები, სადაზღვევო კომპანიები და ა.შ. 

კომპანიების განაცხადების წარდგენის ბოლო ვადაა 2022 წლის 31 ოქტომბერი.


„საქართველოს პასუხისმგებელი ბიზნესის კონკურსსა - Meliora“ და საუკეთესო წლიური ანგარიშის და გამჭვირვალობის ჯილდოს (BARTA) შორის პარტნიორობის ფარგლებში, კომპანიებს, რომლებიც განაცხადს შეიტანენ BARTA-ს კონკურსში მონაწილეობის მისაღებად, ექნებათ უნიკალური შესაძლებლობა Meliora-ს ყოველწლიურ მასტერკლასს დაესწრონ. Meliora-ს მასტერკლასი წინ უძღვის დაჯილდოების საზეიმო ღონისძიებას და ჩვეულებრივ, განკუთვნილია კონკურსის მონაწილე კომპანიებისათვის. მასტერკლასს უძღვებიან კონკურსის საერთაშორისო ჟიურის წევრები, რომლებიც კორპორაციული პასუხისმგებლობის და მდგრადობის სფეროში წამყვანი და გამორჩეული ექსპერტები არიან. ისინი მონაწილეებს უზიარებენ საკუთარ ცოდნას და გამოცდილებას იმაზე, თუ რას ნიშნავს პასუხისმგებელი და მდგრადი ბიზნესი და როგორ შეიძლება პასუხისმგებელი მიდგომების გამოყენება ბიზნეს წარმატების მისაღწევად, როგორია თანამედროვე ტენდენციები და მიდგომები კორპორაციული პასუხისმგებლობის და მდგრადობის სფეროში.

იხ. დეტალური ინფორმაცია: https://www.barta.ge/