ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

„მცირე და საშუალო ზომის საწარმოების კვლევის შედეგების წარდგენა“ - მსოფლიო ბანკმა ღონისძიება გამართა

21 ივნისს, მსოფლიო ბანკმა, ევროკავშირისა და მსოფლიო ბანკის ერთობლივი ფინანსური ჩართულობისა და ანგარიშვალდებულების პროექტის ფარგლებში, ღონისძიება გამართა, თემაზე: „მცირე და საშუალო ზომის საწარმოების კვლევის შედეგების წარდგენა“.

ღონისძიება მსოფლიო ბანკის უფროსმა სპეციალისტმა, ნატალი მანუილოვამ გახსნა. მომხსენებლებმა აუდიტორიას მცირე და საშუალო საწარმოების კვლევის შედეგები გააცნეს. გარდა ამისა, შეხვედრაზე პროფესიული მომსახურების კლასიფიკატორიც იქნა განხილული. 

დასკვნით ნაწილში დისკუსია გაიმართა, თემაზე: მცირე და საშუალო ზომის საწარმოების მხარდაჭერა საქართველოში. დისკუსიაში მონაწილეობა მიიღეს ევროპის რეკონსტრუქციისა და განვითარების ბანკის, „აწარმოე საქართველოში“-ის, სოფლის განვითარების სააგენტოს, საქართველოს ინოვაციების და ტექნოლოგიების სააგენტოსა და სტარტაპ საქართველოს წარმომადგენლებმა. დისკუსია მიკრო ბიზნესში არსებული გამოწვევების მიმოხილვას დაეთმო, მხარეებმა სფეროში არსებული ძლიერი და სუსტი მხარეები მიმოიხილეს. 

ღონისძიებას საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენლებიც დაესწრნენ.