ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

სამსახურის ხელმძღვანელობის შემადგენლობაში ცვლილებაა

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ხელმძღვანელობა შეიცვალა. დაარსებიდან (2016 წლიდან), 2021 წლის 1 სექტემბრამდე სამსახურს იური დოლიძე ხელმძღვანელობდა. 8 ოქტომბრიდან, ბატონი იური სამსახურთან არსებულ ბუღალტრული აღრიცხვის, ანგარიშგებისა და აუდიტის საბჭოს წევრი გახდა, როგორც ბიზნესასოციაციების წარმომადგენელი. 

სამსახურის გუნდი მადლობას უხდის ბატონ იურის გაწეული სამუშაოსთვის, იმ მნიშვნელოვანი წვლილისთვის, რომელიც მან სფეროს განვითარებაში შეიტანა და წარმატებას უსურვებს ახალ პოზიციაზე. 

სამსახურის ხელმძღვანელად დავით მჭედლიძე დაინიშნა. ბატონი დავითი 2017 წლიდან ბუღალტრული აღრიცხვისა და ანგარიშგების ზედამხედველობის დეპარტამენტის უფროსის პოზიციას იკავებდა. ოთხი წლის განმავლობაში მან, თავის გუნდთან ერთად, მრავალი მნიშვნელოვანი პროექტი განახორციელა.

ცვლილება განხორციელდა ასევე აუდიტისა და პროფესიული განათლების ზედამხედველობის დეპარტამენტში - დეპარტამენტის ხელმძღვანელად თორნიკე ძაგნიძე დაინიშნა. ბატონი თორნიკე სამსახურის გუნდს 2017 წელს შემოუერთდა აუდიტის ზედამხედველობის ინსპექტორის პოზიციაზე.

იხ. სამსახურის ხელმძღვანელობის სრული შემადგენლობა